Google ADS

iPhone 8 vjen me një ndryshim të madh

07:24 | 18 Shkurt 2017
Arbresh.info

Pasi hoqi dorë nga kufjet me fishë, Apple përgatitet për një tjetër ndryshim të madh në serinë e produktit të saj më të suksesshëm, iPhone.

Ming-Cho Kuo, një analist i njohur në sektorin e telefonave inteligjentë, thotë se iPhone 8 (që si zakonisht pritet të dalë në treg në muajin shtator) nuk do të ketë butonin fizik “Home”.

Butoni fizik do të njësohet me gjithë ekranin me prekje, me ndryshimin e vetëm se në momentin që prek në pjesën ku tek produktet paraardhëse ndodhet ky buton, do të shfaqet ajo që Ming-Chi Kuo e quan “Funciton Area”, ose zona e funksioneve.

Do të jetë një zonë multifunksionale që jo vetëm do të zëvendësojë butonin tradicional, por edhe do t’i mundësojë kompanisë që të kryejë edhe disa ndryshime të tjera në përmirësimin e dizajnit të pajisjes.

Objektivi i parë është reduktimi në maksimum i kornizave anësore të telefonit dhe eleminimi i gjithë butonave fizikë, që parashikohet të jetë edhe trendi i këtij viti në tregun e telefonave inteligjentë.

Shpërndaje në rrjete sociale

Lajmet më të lexuara

Të ngjashme

Foto lajm